قان سه‌ پیر قلم!
زیلزیله ماهنئسی


اسد رخساریان


• ««دریالار مرّکب، مئشه‌ لر قلم
دریالار جوشور، هوشله‌ نیر قلم

دریالار طوفان، داغ باشی دومان
یوردوم داغِلئب، آغلییر قلم ...

اخبار روز: www.akhbar-rooz.com
يکشنبه  ۲۹ مرداد ۱٣۹۱ -  ۱۹ اوت ۲۰۱۲


 
 ««دریالار مرّکب، مئشه‌ لر قلم
دریالار جوشور، هوشله‌ نیر قلم

دریالار طوفان، داغ باشی دومان
یوردوم داغِلئب، آغلییر قلم

شپه ‌لر قالخر، هرای سالماغا
هر کلِمِه‌ ده، جان وئریر قلم

آنالار تکین، گوز یاشلارندا
مین دفعه ئولیر، دیریلیر قلم

اوشاقلار بیردن، فنا اولویدی
ماهنئلار یازر، قان سه‌ پیر قلم

انسانئن ائوی یئخئلئب بیردن
چراغ یاندئرب، سسلَنیر قلم

گوریر انسانئن، دیلی توتولوب
آت گیبی هاوادا، کیشنی‌ ییر قلم

هردرین دردین، قازَر دیبینی
ائللر آرزِسئن، گوستریر قلم

ظولوم ایچینده، فلک الیندن
سوموگ اریدیر، توکیلیر قلم

«دریالار مرّکب، مئشه‌ لر قلم»
یوردوم داغلَئب، آغلییر قلم



مین اوچ یوز دوقسان بیرده
مرداد آیئن ییرمی دوردینده یازیلمیش