• شاعرمعاصر عباس بارز، پیرانه سر اشعار خود را به زبان مادری خویش، ترکی آذربایجانی، منتشر کرد.استاد بارز که هشتاد سالگی خود را با صعود به قله سبلان جشن گرفت کتاب خود را "یاسلی ساوالان" یا سبلان در غم فرو رفته نام داده است. ...

اخبار روز: www.iran-chabar.de
دوشنبه  ۱۴ اسفند ۱٣٨۵ -  ۵ مارس ۲۰۰۷

شاعرمعاصر عباس بارز، پیرانه سر اشعار خود را به زبان مادری خویش، ترکی آذربایجانی، منتشر کرد.استاد بارز که هشتاد سالگی خود را با صعود به قله سبلان جشن گرفت کتاب خود را" یاسلی ساوالان" یا سبلان در غم فرو رفته   نام داده است. در اشعار خویش که بیشتر در اوزان عروضی است از این کوه تاریخی الهام گرفته و با ایده های اومانیستی و مهرآلود زبانحال زمانه خویش شده است. اشعار او مملو از تصاویر زیبائی از کوهها ، دشتهای زادگاه شاعر،وقایع تاریخی و نیز یادآور یاد و نام قهرمانانی چون ستارخان و خیابانی و چهره های حماسی همانند بابک، جاودان، جوانشیر است که در راه آزادی، وطن پروری و سعادت مردم تلاش کردند. عباس اسلامی متخلص به بارز شاعری است مردمی و با قریحه که جا دارد آثار و زندگی او، همانند شهریار به عنوان مواد درسی در رشته ادبیلت مردم این خطه گنجانده شود.شاعری است که زمان را می نوردد از سلسله جبال شئیور و ارسباران می گذرد ، بر سر سفره مردم حضور پیدا می کند و با زبان خود آنان امیدها و آمالشان را فریاد میزند . استاد بارز در شعر یاسلی   ساوالان تاریخ را با ایماژ های شاعرانه اش مرور می کند و کوه سبلان را گرانیگاه شعر خود قرار داده وقایع را بر می شمارد و به زبان خودش نگرانیش را چنین بیان می کند:
سالارام یادیما بیر لحظه او کئچمیشلریوی
ایزله رم بیر به بیر او حیرت یارادان ایشلریوی
هامیدان من سنین احوالینا آرتیق نیگاران
آی یاغان باشینا غملر اودو یاسلی ساوالن.
با آرزوی عمری طولانی و پر ثمر به این استاد پیر.
عباس بارزین یارادیجیلیغینا بیر قیسا باخیش
 
حمید دادیزاده
 
 
آدی عباس اسلامی، ده دسی شیخ الاسلام میرزا جعفر اسلامی ۱٣۰۰ اونجو ایللرینده اهر شهرینین آی پیرزان کندینده دونیایه گوز آچدی.
ائلیمیزین قوجامان شاعیری و ایرانین آغ ساققال صنعتچیسی عباس اسلامی، بارز آدیله تخلص ائدن بیر پداگوک و معلم اولاراق ،زنگین یارادیجیلیغلی حیات سوروب.   قوجامان شاعیر ساوالان داغی نین ذیروه سین فتح ائدیب ، آدی دیللرده ازبر اولموشدی. بیر عمور فرهنگ و کولتورل فعالیتلریندن سونرا،اوز شعر و اثرلرین بوش الیله چاپا تاپشیریب و آذربایجانین اسکی و قدیم تاریخینده اوز آدین حک ائتمیشدی. استاد بارز عروضی اوزانیندا اوز شعرلرین "یاسلی ساوالان" آدلی کیتابدا چاپا یئتیریب و ساتیریک مضمونی ایله اوز زمانه سین تصویر ائدیب و میللتیمیزه یادگار بوراخمیشدی. بارز   شعرلرین بیر یئره توپلایب، جان نقدی تیتوللی شعرینده، آذربایجان تاریخین ایرانین گذرگاهیندا تصویر ائدیب ،تاریخی اوز گوزونون اونونده توتموش و حافظ شیرازین شعرینه اشاره ائدرکن، زمانه نین گوزی دارلیغینا ال قویوب ، کونولده اولان درین دردلرین بئیله بیان ائدیر:
مال ایسته سه جانان اونا هر یاندا وئررلر
اطفارینه قزوین نه دی تهراندا وئررلر
بیر خاله "سمرقند و بخارانی " وئره نلر
ایش برکیسه تورانیله ایراندا وئره رلر
..بوزباشی یاتیب گورمه ین اینسان یوخوسوندا،
باش اگسه اونا دولما فیسینجاندا وئررلر.
 
بارز اوز یارادیجیلیغیندا میللی کاراکترلارا، میللی کیملیک و ده گرلره اشاره ائدرکن، زمانه نین آجیلیغینا توخونوب، میللی وارلیق و شعورونا دایانارکن، بیر آنلی آچیق صنعتکار کیمی اوز   دورانینین سوزچوسو اولوب، ریاکارلیک کاراکترلاردان تنقید ائدیبدی. شاعیریمیز بیر مدرک و صمیمی وطن پرور کیمی   زنگین خلاقیتلره نائل اولوب و بئله سوز آچیر:
تئریاکیله مداحلاری معراجه چکرکن
مین غرفه اونا زوهره و کئیواندا وئررلر.
بوردا شاعیر زوهره و کئیوان اولدوزلارینا اشاره ائدرکن، اوز یئلکئن خیالی ایله معراجه گئدیر و یالانچیلاری ایضاحلا افشا ائدیبدی.
اوز دوغما وطنی ایراندا یالقیز قالان و مظلوم یاشایان شاعیر زمانه نین غدارلیقین سئیر ائدرکن، اوز اثرلرین مکتوب ائدیب و یادداشسیز میللته بیر قالیجی یادگار کیمی بوراخمیشدیر.
یاسلی ساوالان آدلی اثری تورپاقیمیزین گورکملی ساوالان داغینه خطابیه کیمی شاعیرین درین حزنلی احساسلارین داشیر و اونون حسرتلی نیسکیللرینی اوز خیالیندا تصویر ائدیر.
قرنلر کئچدی سنین گولمه   دی   بیر   لحظه   اوزون
قانلی یاش توکدو سارالمیش اوزونه یاشلی گوزون
غصه دن     دوندو     قارانلیق گئجه   اولدو     گونوزون
                                                                       نه سوران حالینی اولدو نه وئرن جیسمیوه جان
                                                                       آی یاغان باشینا غملر     اودو     یاسلی      ساوالان.
وطنیمیزین گویلره چکیلن ساوالان زیروه سی ، ایرانین هر بیر طرفیندن داغ عاشیقلرینین زیارتگاهی اولوب   مینلر جه اینسان ساوالانین قزیل بئره سیندن گوروش ائدیر ، هرم- کسری داغلارینی گورور و هر ایل ساوالانین باشینا یغیشیر و بابک لر یوردوندان دیدار ائدیلر . ساوالان تاریخلردن بیزه خبرلروئریر ، شاعریمیز عباس بارز بو معنانی نه گوزل بیان ائدیر :
سالارام یادیما بیر لحظه اوکئچمیش لریوی
توکولن سنگ جفا ئیله   اودور   دیشلریوی
ایزلرم بیر بیر او حیرت یارادان ایشلریوی
                           هامیدان من سنین احوالینا آرتیق نیگاران
                           آی یاغان باشینا غملر اودو یاسلی ساوالان
داغلارین حورمتی بارزین یارادیجیلیغیندا
بارز دونیانین گورکملی شاعیرلری کیمی داغلاردا گیزله نن قدرتدن الهام آلیب،   ایلیمیزین کندین اوباسین گزیب، خالقیمیزین آچیق سفره سینین کناریندا اولوب، اوره گی درده گلن زمان داغلارا خطاب ائدیب و سوزون بیان ائدیبدر. دئمک داغلاردا اولان توکنمز قوه شاعیریمیزین سون پناهی الوبدی:
الین چاتا چنلی بئله                                               خبر وئرین بیزیم ائله
دئین قسمت اولدو سنه                               اوجا بویلو سارا، داغلار
  باسقا شعرینده "یولا داغلار´عنوانلی شعریده بیله یازیر
یار گئدندن گئجه گوندوز      گوز دیکمیشم یولا، داغلار
یالوارارام قانلی کیمی         یوللارداکی کولا، داغلار
                                &&&&
بارزین   عشقی آرازدی       آغلایان چوخ گوله ن آزدی
بو ماهنینی سیزه یازدی       یالوارا   -     یالوارا    داغلار.
 
بارز بوتون ضیالیلا ریمیزین آراسیندا تانینمیش بیر شاعیر اولوب؛ چئشیتلی مضمونلار یارادیب، آذربایجان شعر صنعتینین ئوزللیکله غزل ژانرین، یئنی افقلره قالدیریبدیر. اومامیزم، اینسان سئورلیک و   وطن محبتین اوز شعرلرینده حک ائدیبدیر  
منیم      الیمده       اگر      اولسا     اختیار     وطن                              بو   باشی- جانی   یقین      ائیلرم      نثار     وطن
همیشه   لاله لی   اولسون ،   همیشه    سونبوللو                       خزان جفاسی گوروم گورمه سین بهار     وطن
وطن محبتدی دین دندی گئت حدیثینه باخ                                 سئوه ر وطن سئوه ن اشخاصی کردکار وطن
وطن علاقه سی یازدیردی     بارزه      بوسوزو                    به ینسه وار یئری بو      شعری     شهریار      وطن
شاعیر اوز اوزونه توختاقلیق وئریر، بیر داها تاریخی وراقلایر و میللتیمیزین ائتنوگرافیک خصلتلرینه قایدیب، اساطیرلرده اولان ایشیقلیک آنلامی و اونون تاریخی پروسسده قارانلیقا غلبه سینه اشاره ائدیر وسوزون بئله دوام ائدیر:
ساکیت اول آغلاما قوی   بیرجه چکیلین بو دومان         گون چیخیب   ضولمتی بیر یوللوقا قووسون بورادان
"نبی" نین بوز آتی اولسون یئنه داغلار آتیلان                        هجرین بلکه یغیلسین گوزو یولدان آنا جان
آی   یاغان     باشینا    غملر   اودو      یاسلی     ساوالان
 
بارز بیر باشی بلالی شاعر کیمی معاصر تاریخی نظره آلارکن ، اوز صنعت یارادیجیلیقین صیقل ائدر، آیریلیقلاری گورور ، بیر ائل قایغی سی چکن اوستاد کیمی غوربتلره، سور گونلره دوشن هموطنلرین یاد ائدیپ، اوز صمیمی صلح سئون و اومانیست دویغولاری ایله چوخ گوزه ل بوکو نسئپسیانی بیان ائدیر :
کونلوم هله ده حسرت     دیدار     وطندیر                             باغریم قان ائدن فرقت دیدار وطندیر
غربت نقده ر خوش کئچه غربتدی غریبه                            جنت دئدیگین   صحنه   گولزار   وطندیر
شاعیر اوز وطن پرورلیقین دونه-دونه نظمه چکیب ، وطن اوغروندا چالیشانلاری عزیزله یب ، معاصر تاریخیمیزین بویوک سرداری ستارخانا اوز توتوب،   باشی اوجالیقلا وطن یولوندا، آزادلیق ساحه سینده چالیشانلارا گوزل آرزولارلا یاناشیر:
ستارخان   آدیلا بو غزل   آخره   چاتدی                                    احسن ائله ستاره کی   سردار   وطندیر
بارز بو وطن شعریدی وئر باشه یورولما                       چوخ یاز بو غزلدن کی سزاوار وطندیر.
بارز معلمین کیتابینا مقدمه یازان ده گرلی تدقیقاتچی نهاوندی بیگین سوزونه قاتیلیب و اونون سوزون بوردا قید ائتمک ایستردیم که شاعیر ین ادبیاتی و پوئمالاری بیر سیرا"سوزلو- کوزلو جانلی اثرلردیلر   کی بارز اوره ک گوزگوسونده هر بیر زادی صاف-سایدام گوردوکده،هر بیر یانلیشدان و تکلفدن اوزاق، گوردوگو   و دویوب دوشوندوگو کیمی   شعر صایفاسی اوستونه قایتارمیشدیر ". بارزین یارادیجیلیغیندا وطنه حورمت بویوک یئر توتوبدیر.دئمک اینسانلیقا علاقه وطنین باش اوجالیقیندا تشخص تاپیر.شاعیراوز وطنین تاریخین گذرگاهیندا آرایر، بیر به بیر تاریخی آیکانلارا اشاره ائدیر. یو یولدا بابک، جوانشیر،جاودان،ستارخان و شیخ محمد خیابانیلاردان آد چکیر ، وطن نغمه سین یوکسکلره قالدیدیر.
آی وطن سن باش اوجالدان قهرمانلار یوردوسان         سن ایگیتلر   اولکه سی     قوچ     پهلوانلار     یوردوسان
سن خیابانی کیمی     قوربان    وئریبسن       خلقیوه                       بیلمه ین بیلسین کی سن " ستارخانلار" یوردوسان
شاعیر داغلارین عظمتینه تکرارا اشاره ائدیب، رحمته گئتمیش شهریارین حیدر بابا اثریندن یاد ائدیر:
"شهریار" اوغلون یازان " حیدر بابایه" عشق اولا                سئوگیلیم سن عشقده "شئیدا- موغانلار" یوردوسان
چیخ سهندین باشینه اوردان دوروب     باخ     شئیوره                   گور نئجه داغلار باشین آلمیش    دومانلار   یوردوسان
 
بارز بیر آیری شعرینده وطنین گوزللیکلرینه   باخیر ؛ وطن مولکونونون آبادلیغین و سعادتین ایستیور.
اولکه مدیر کونلومون گولو- گولشنی                        هئچ        زادا       ساتمارام       آنا       وطنی
سئومیشم-   سئویرم اوره   کدن   سنی              سنسیز وورغون اورک قان اولاجاقدیر.
 
 
   تبریز-قیش فصلی ۱٣٨۵